കടൽ മത്സ്യം കഴിക്കുന്നത് സുരക്ഷിതമാണോ?;ഭക്ഷ്യയോഗ്യമല്ലാത്ത മീനിനെ

കഴിഞ്ഞ മെയ് 25-ന് കൊച്ചി തീരത്തുനിന്ന് ഏകദേശം 38 നോട്ടിക്കൽ മൈൽ അകലെ വെച്ച് ലൈബീരിയൻ കപ്പലായ MSC എൽസ-3 അപകടത്തിൽപ്പെട്ടത് കേരളത്തിൽ വലിയ ചർച്ചകൾക്ക് വഴിയൊരുക്കിയിരുന്നു. വിഴിഞ്ഞത്തുനിന്ന് കൊച്ചിയിലേക്ക് പോകുകയായിരുന്ന ഈ കപ്പലിൽ അറുന്നൂറിലധികം കണ്ടെയ്‌നറുകളുണ്ടായിരുന്നു. അപകടം നടന്ന ഉടൻതന്നെ കപ്പലിലെ 24 ജീവനക്കാരെയും ഇന്ത്യൻ കോസ്റ്റ് ഗാർഡും നേവിയും ചേർന്ന് രക്ഷപ്പെടുത്തി. എന്നാൽ, കപ്പലിലുണ്ടായിരുന്ന രാസവസ്തുക്കൾ കടലിൽ കലർന്നിട്ടുണ്ടോ എന്നതായിരുന്നു പൊതുജനങ്ങളെയും അധികാരികളെയും ഒരുപോലെ അലട്ടിയ പ്രധാന ചോദ്യം. ഇത് കടലിലെ മത്സ്യസമ്പത്തിനെയും പരിസ്ഥിതിയെയും എങ്ങനെ ബാധിക്കുമെന്നതിനെക്കുറിച്ച് വലിയ ഭയം നിലനിന്നിരുന്നു.