128 വർഷത്തിനു ശേഷം ക്രിക്കറ്റ് ഒളിമ്ബിക്സില്‍ തിരിച്ചെത്തുന്നു. 2028ലെ ലൊസാഞ്ചലസ് ഒളിമ്ബിക്സില്‍ പുരുഷന്മാരുടെയും വനിതകളുടെയും ആറ് വീതം ടീമുകളാണ് ഒളിമ്ബിക്സ് ക്രിക്കറ്റിന് അണിനിരക്കുകയെന്ന് അന്താരാഷ്ട്ര ഒളിമ്ബിക് കമ്മിറ്റി (ഐ.ഒ.സി) അറിയിച്ചു.നിലവില്‍ നൂറോളം രാജ്യങ്ങളില്‍ കളിക്കുന്ന ട്വന്‍റി20 ഫോർമാറ്റിലാകും മത്സരങ്ങള്‍ സംഘടിപ്പിക്കുക. പരമാവധി 15 പേരടങ്ങിയ സംഘത്തെയാണ് ടീമുകള്‍ അയക്കേണ്ടത്. യോഗ്യതാ മാനദണ്ഡങ്ങള്‍ അന്തിമമായിട്ടില്ല.
