തിരുവനന്തപുരം:വെഞ്ഞാറമൂട് നിന്നും കാണാതെ പോയ 16കാരന്റെ മൃതദേഹം കണ്ടെത്തി. വീടിനോട് ചേർന്നുള്ള കിണറ്റിൽ നിന്നാണ് മൃതദേഹം കണ്ടെടുത്തത്.തൈക്കാട് മുളംകുന്ന് ലക്ഷം വീട്ടിൽ അനിൽ കുമാറിന്റെയും മായയുടെയും മകനായ അർജുനെ തിങ്കളാഴ്ച വൈകീട്ട് ആറ് മണിയോടെയാണ് കാണാതായത്. വീട്ടിൽനിന്നും കളിക്കാനായി പോയ കുട്ടിയെ പെട്ടന്ന് കാണാതാവുകയായിരുന്നു.
വീടിനടുത്തുള്ള പറമ്ബിലെ ഉപയോഗിക്കാത്ത കിണറ്റിൽ നിന്നാണ് മൃതദേഹം കണ്ടെത്തിയത്. നാട്ടുകാർ നടത്തിയ പരിശോധനയിലാണ് മൃതദേഹം കണ്ടെത്തിയത്. കുട്ടിയെ കണ്ടെത്താൻ പൊലീസും നാട്ടുകാരും വ്യാപക തിരച്ചിൽ നടത്തിവരികയായിരുന്നു. ആത്മഹത്യ എന്നാണ് പ്രാഥമിക നിഗമനം. സംഭവത്തിൽ വെഞ്ഞാറമൂട് പോലീസും ഫയർ ഫോഴ്സും സ്ഥലത്ത് എത്തി. സിസിടിവി ദൃശ്യങ്ങളിൽ നിന്ന് യാതൊരു തുമ്ബും കിട്ടിയിരുന്നില്ല. ഇതിനിടെയാണ് കിണറ്റിൽ മൃതദേഹം കണ്ടെത്തിയത്.
