ചെന്നൈ: തമിഴ്‌നാട് തേനി ലോവർ ക്യാമ്ബിൽ കാട്ടാന ആക്രമണത്തിൽ സ്ത്രീ മരിച്ചു. ഗൂഡല്ലൂർ സ്വദേശി പിളൈയുടെ ഭാര്യ സരസ്വതി(55) ആണ് ഇന്നലെ മരിച്ചത്. വൈകുന്നേരം തോട്ടത്തിൽ നിന്നും പണി കഴിഞ്ഞു മടങ്ങുന്നതിനിടെയായിരുന്നു സംഭവം. ലോവർ ക്യാമ്ബിൽ താമസിച്ച് കൂലിപ്പണി ചെയ്യു വരികയാണ് സരസ്വതിയും കുടുംബവും അഴകേശൻ എന്നയാളുടെ പറമ്ബിൽ ജോലിക്ക് പോയിട്ട് തിരികെ വരുമ്ബോഴായിരുന്നു കാട്ടാനയുടെ ആക്രമണം ഉണ്ടായത്. ഭർത്താവിനൊപ്പം വനാതിർത്തിയിലൂടെ പോകുമ്ബോൾ വനത്തിൽ നിന്നുമെത്തിയ കാട്ടാനയാണ് ഇവരെ ആക്രമിച്ചത്.ഉടൻ തന്നെ ഗൂഡല്ലൂരിലുള്ള സർക്കാർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കമ്‌ബം സർക്കാർ ആശുപത്രിയിൽ പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടു നൽകി.
