കൊച്ചി: പ്ലൈവുഡ് പലകയിൽ തട്ടി വീണ് വീട്ടമ്മയുടെ കൈ ഒടിഞ്ഞു,കൊച്ചി കലൂർ സ്റ്റേഡിയത്തിലെ അപകടത്തിന് പിന്നാലെ മറൈൻ ഡ്രൈവിലെ ഫ്ലവർ ഷോ നടക്കുന്ന സ്ഥലത്തെ നിലത്ത് ഇട്ടിരുന്നകടവന്ത്ര സ്വദേശിനിയായ ബിന്ദുവിനാണ് പരുക്കേറ്റത്. അപകടമുണ്ടായ കാര്യം സംഘാടകരെ അറിയിച്ചെങ്കിലും ആരും സഹായിച്ചില്ല. അധികൃതർ തിരിഞ്ഞുനോക്കിയില്ലെന്നും ഫസ്റ്റ് എയ്ക് നൽകിയില്ലെന്നും ബിന്ദു പറഞ്ഞു.
സ്വയം വാഹനം വിളിച്ചാണ് ആശുപത്രിയിൽ പോയത്. കൈയ്ക്ക് ഒടിവുണ്ട്. ശസ്ത്രക്രിയ വേണമെന്ന് ഡോക്ടർമാർ പറഞ്ഞിട്ടുണ്ടെന്നും ബിന്ദു കൂട്ടിച്ചേർത്തു. സംഭവത്തിൽ ജില്ലാ കലക്ടർക്കും ജി സി ഡി എ സെക്രട്ടറിക്കും ബിന്ദുവിന്റെ കുടുംബം പരാതി നൽകിട്ടുണ്ട്. ഇതേതുടർന്ന് ഷോയ്ക്ക് കോർപ്പറേഷൻ സ്റ്റോപ്പ് മെമോ നൽകി. ഇന്നലെ രാത്രി ഏഴു മണിയോടെയാണ് സംഭവം.എറണാകുളം അഗ്രി ഹോർട്ടികൾച്ചർ സൊസൈറ്റിയും ജി സി ഡി എയും ആയിരുന്നു ഫ്ലവർ ഷോയുടെ സംഘാടകർ.
