കഠിനാധ്വാനവും നിശ്ചയദാർഢ്യവുമുണ്ടെങ്കിൽ ഏത് വലിയ പ്രതിസന്ധികളോടും പോരാടി നമ്മുടെ സ്വപ്നങ്ങൾ യാഥാർത്ഥ്യമാക്കാമെന്ന് തെളിയിച്ച നിരവധി വ്യക്തികൾ നമുക്ക് ചുറ്റിലും ഉണ്ട്.അത്തരത്തിൽ നമ്മുക് മാതൃകയാക്കാൻ കഴിയുന്ന ഒരാളാണ് പശ്ചിമ ബംഗാൾ സ്വദേശിയായ 21 കാരൻ സർഫറാസ്. ഇത്തവണത്തെ നീറ്റ് പരീക്ഷയിൽ 720ൽ 677 മാർക്ക് നേടിയാണ് ഈ ചെറുപ്പക്കാരൻ തന്റെ വിജയം സ്വന്തമാക്കിയിരിക്കുന്നത്. തീർത്തും ദരിദ്രമായ ഒരു കുടുംബാന്തരീക്ഷമാണ് ഈ ചെറുപ്പകാരന്റേത്. ഈ സാഹചര്യത്തിൽ വിജയത്തിലേക്കുള്ള പാത സർഫറാസിന് ഒട്ടും എളുപ്പമായിരുന്നില്ല. എന്നാൽ വെല്ലുവിളികളെ സർഫറാസ് വിജയത്തിലേക്കുള്ള ചവിട്ടുപടിയാക്കി മാറ്റുകയാണ് യഥാർത്ഥത്തിൽ ചെയ്തത്.
