ബിഹാർ തിരഞ്ഞെടുപ്പ് പരാജയത്തെ തുടർന്ന് കോൺഗ്രസിൽ ആഭ്യന്തര കലഹം രൂക്ഷം. പരാജയത്തിന് കാരണം “വോട്ട് ചോറി” ആണെന്ന ഹൈക്കമാൻഡ് നിലപാട് ആന്തരിക വിമർശനം തടയാനുള്ള തന്ത്രമാണെന്ന് ആരോപണം. രാഹുൽ ഗാന്ധിയുടെ നേതൃത്വത്തിൽ നടന്ന അവലോകന യോഗത്തിൽ ടിക്കറ്റ് വിതരണത്തിലെ പിഴവുകളും എഐസിസി ചുമതലയുള്ള കൃഷ്ണ അല്ലവരുവിന്റെ നടപടികളും നേതാക്കൾ രൂക്ഷമായി വിമർശിച്ചു. ആത്മപരിശോധന നടത്താതെ ‘വോട്ട് മോഷണം’ എന്ന രാഷ്ട്രീയ പാത പിന്തുടരുന്നതിനെതിരെ താഴെത്തട്ടിൽ രോഷം പുകയുന്നു.
