തൃശൂർ : പോക്‌സോ കേസില്‍ പെട്ട യുവാവിന് ശിക്ഷ വിധിച്ച്‌ കോടതി. പ്രായപൂര്‍ത്തിയാകാത്ത പെണ്‍കുട്ടിക്ക് വിവാഹ വാഗ്ദാനം നല്‍കിയും മൊബൈല്‍ ഫോണ്‍ വാങ്ങി നല്‍കി വശീകരിച്ചും ലൈംഗികമായി പീഡിപ്പിച്ച കേസിലാണ് നടപടി. പ്രതി ഇരയെ കബളിപ്പിച്ചത് വിവാഹ വാഗ്ദാനവും മൊബൈൽ ഫോൺ ഉൾപ്പെടെയുള്ള സമ്മാനങ്ങൾ നൽകിയാണ്.
യുവാവിന് 25 വര്‍ഷവും മൂന്ന് മാസം കഠിനതടവും ഒന്നേകാല്‍ ലക്ഷം രൂപയും പിഴയുമാണ് ശിക്ഷ വിധിച്ചത്. ചാവക്കാട് അതിവേഗ സ്‌പെഷല്‍ കോടതി ജഡ്ജി അന്‍യാസ് തയ്യില്‍ കുറ്റക്കാരനെന്ന് കണ്ടെത്തി ശിക്ഷ വിധിച്ചിരിക്കുന്നത് ബ്ലാങ്ങാട് പാറമ്പടി കറുപ്പംവീട്ടില്‍ അക്ബറി(20)നെയാണ്. പിഴ അടയ്ക്കാതിരുന്നാൽ പതിനൊന്ന് മാസം കൂടി അധിക തടവ് അനുഭവിക്കണമെന്നും ഉത്തരവ് ഉണ്ട്.
പീഡനം നടന്നത് 2021 ഏപ്രില്‍ മുതല്‍ ജൂലൈ വരെയുള്ള കാലയളവിലാണ്. ഇയാള്‍ പതിനാറുകാരിയും കുടുംബവും താമസിക്കുന്ന വീടിന് സമീപത്തെ വിറക് ഷെഡിലേക്ക് അതിക്രമിച്ച്‌ പെൺകുട്ടിയെ കൊണ്ടുപോയി വിറകുപുരയില്‍ വച്ചും പെണ്‍കുട്ടിയുടെ കുടുംബ വീടിന്റെ പറമ്പിലേക്ക് അതിക്രമിച്ചുകയറി വീടിന് പിന്നില്‍ വച്ചും കടല്‍ത്തീരത്ത് എത്തിച്ചും പെണ്‍കുട്ടിയെ ബലാത്സംഗം ചെയ്തു എന്നാണ് പ്രോസിക്യൂഷന്‍ കേസെടുത്തിരിക്കുന്നത്.
