കോട്ടയം: ലഹരിവസ്തുക്കളുടെ വിൽപ്പനയും ഉപയോഗവും തടയുന്നതിൽ സർക്കാർ പരാജയമെന്ന് എൻ.എസ്.എസ് ജനറൽ സെക്രട്ടറി ജി സുകുമാരൻ നായർ.ലഹരിവസ്തുക്കളുടെ വിൽപ്പനയും ഉപയോഗവും തടയാൻ മാറിമാറി വരുന്ന സർക്കാരിന് കഴിഞ്ഞിട്ടില്ലെന്ന് എൻഎസ്എസ് വിമർശിക്കുന്നത്
ലഹരി ഉപയോഗം പൂർണമായും തുടച്ചു നീക്കാൻ ജനങ്ങളും രക്ഷിതാക്കളും സർക്കാരിന്റെ പിന്തുണ ആവശ്യപ്പെടണമെന്നും എൻഎസ്എസ് പറഞ്ഞു. സ്ഥിരം മദ്യപാനികൾക്ക് അതിൽ നിന്നും മുക്തി മനടാൻ വേണ്ടത്ര കൗൺസിലിംഗ് സംവിധാനം ഉണ്ടാക്കുന്നതിനോ ലഹരിക്ക് അടിമപ്പെട്ട ആളുകൾക്ക് നിർബന്ധിത ട്രീറ്റ്‌മെന്റ് നൽകുന്നതിനോ സർക്കാരുകൾക്ക് കഴിഞ്ഞില്ലെന്നും എൻഎസ്എസ് വിമർശിച്ചു.
ലഹരി വിഷയത്തിൽ രാഷ്ട്രീയ മുതലെടുപ്പ് നടത്തുന്നവരെ ഒറ്റപ്പെടുത്തണമെന്ന് ആഹ്വാനം ചെയ്ത എൻഎസ്എസ് ലഹരിക്കെതിരെ പ്രവർത്തിക്കാൻ കരയോഗങ്ങൾക്ക് നിർദേശം നൽകി.ആ ഇപ്പോഴത്തെ ലഹരി വസ്തുക്കളുടെ ഉപയോഗം തടയാനും ഇനി വരും നാളുകളിൽ മദ്യത്തിന്റെ അടക്കമുള്ള വിൽപനയിലും നിയന്ത്രണമുണ്ടാക്കണം എന്നും എൻഎസ്എസ് ആവശ്യപ്പെട്ടു
