മലപ്പുറം: മലപ്പുറം ജില്ലയെ ആശങ്കയിലാഴ്ത്തിയ നിപ വൈറസ് ഭീഷണി ഒഴിഞ്ഞു. പുതിയ കേസുകളൊന്നും റിപ്പോർട്ട് ചെയ്യാത്ത സാഹചര്യത്തിൽ, ജില്ലയിൽ ഏർപ്പെടുത്തിയിരുന്ന എല്ലാ നിപ നിയന്ത്രണങ്ങളും പൂർണമായും പിൻവലിച്ചു.
ഇത് മലപ്പുറം നിവാസികൾക്ക് വലിയ ആശ്വാസമാണ് നൽകുന്നത്. ആരോഗ്യവകുപ്പിന്റെ സമയോചിതമായ ഇടപെടലുകളും ജനങ്ങളുടെ സഹകരണവുമാണ് നിപയെ ഫലപ്രദമായി പ്രതിരോധിക്കാൻ സഹായിച്ചത്.
സംസ്ഥാനത്ത് നിപ സമ്പര്ക്കപ്പട്ടികയില് ആകെ 499 പേര് ഉള്ളതായി മന്ത്രി വീണാ ജോര്ജ് അറിയിച്ചു. സംസ്ഥാനത്ത് ആകെ 29 പേര് ഹൈയസ്റ്റ് റിസ്കിലും 117 പേര് ഹൈ റിസ്ക് വിഭാഗത്തിലും നിരീക്ഷണത്തിലാണ്. നിപ സ്ഥിരീകരിച്ച രോഗി കോഴിക്കോട് ഐസിയുവില് ചികിത്സയിലാണ്.
ആരോഗ്യ വകുപ്പ് അഡീഷണല് ചീഫ് സെക്രട്ടറി, എന്എച്ച്എം സ്റ്റേറ്റ് മിഷന് ഡയറക്ടര്, ആരോഗ്യ വകുപ്പ് ഡയറക്ടര്, മെഡിക്കല് വിദ്യാഭ്യാസ വകുപ്പ് ഡയറക്ടര്, അഡീഷണല് ഡയറക്ടര്മാര്, ജില്ലാ കളക്ടര്മാര്, ജില്ലാ മെഡിക്കല് ഓഫീസര്മാര്, പൊലീസ് ഉദ്യോഗസ്ഥര്, വിവിധ വകുപ്പ് ഉദ്യോഗസ്ഥര് എന്നിവര് യോഗത്തില് പങ്കെടുത്തു.
