തിരുവനന്തപുരം: തിരുനെല്വേലി ജില്ലയിലെ ഒന്നിലധികം സ്ഥലങ്ങളില് അനധികൃതമായി വലിച്ചെറിഞ്ഞ മെഡിക്കല്, വേര്തിരിക്കാത്ത മാലിന്യങ്ങളാണ് നീക്കിയത്.ഡിസംബര് 20ന് എന്ജിടിയുടെ ദക്ഷിണമേഖലാ ബെഞ്ച് മൂന്ന് ദിവസത്തിനകം മാലിന്യങ്ങള് നീക്കം ചെയ്യാന് കേരള സര്ക്കാരിനും കേരള സംസ്ഥാന മലിനീകരണ നിയന്ത്രണ ബോര്ഡിനും നിര്ദ്ദേശം നല്കുകയായിരുന്നു.
ദേശീയ ഹരിത ട്രൈബ്യൂണലിന്റെ ഇടപെടലിന് പിന്നാലെ, കരാര് ലംഘനം നടത്തിയ സേവന ദാതാവായ സുനേജ് ഇക്കോ സിസ്റ്റംസിനെ സംസ്ഥാന ശുചിത്വ മിഷന് കരിമ്പട്ടികയില്പ്പെടുത്തി. തലസ്ഥാന നഗരത്തിലെ പ്രധാന മാലിന്യ ഉത്പാദക സ്ഥാപനങ്ങളായ റീജിയണല് കാന്സര് സെന്റര് (ആര്സിസി), ക്രഡന്സ് ഹോസ്പിറ്റല്, ലീല കോവളം, ആര്ടെക് സിനിമാസ്, ഹൈസിന്ത് എന്നിവയെ പ്രോസിക്യൂട്ട് ചെയ്യാന് തിരുവനന്തപുരം കോര്പ്പറേഷന് തീരുമാനിച്ചു.
സംഭവം വിവാദമായതിനു പിന്നാലെ, വിഷയം ദേശീയ ഹരിത ട്രൈബ്യൂണലിന്റെ (എന്ജിടി) മുന്നിലുമെത്തി.തലസ്ഥാനത്തെ അപ്പാര്ട്ട്മെന്റ് സമുച്ചയങ്ങള്, മാളുകള്, ഹോട്ടലുകള് എന്നിവയുള്പ്പെടെ മാലിന്യ നിര്മ്മാര്ജ്ജനത്തില് നിയമലംഘനത്തില് ഏര്പ്പെട്ടിട്ടുണ്ടെന്നാണ് കോര്പ്പറേഷന്റെ വിലയിരുത്തല്.
