കൊച്ചി: ഒന്നിലധികം തവണ ഗതാഗത കുറ്റകൃത്യങ്ങളില് പിടിക്കപ്പെട്ടാല് ഡ്രൈവിങ് ലൈസന്സ് റദ്ദ് ചെയ്യുകയും പിന്നീട് ലേണേഴ്സ് മുതല് ലൈസന്സ് ലഭിക്കാന് മുഴുവന് പ്രക്രിയയും ആദ്യം മുതല് നടത്തേണ്ടി വരും.റോഡപകടങ്ങള് കുറയ്ക്കുക ലക്ഷ്യമിട്ട് മോട്ടോര് വാഹന വകുപ്പ് പുതിയ ഡ്രൈവര്മാര്ക്ക് രണ്ടുവര്ഷത്തെ പ്രൊബേഷന് കാലയളവ് ഏര്പ്പെടുത്തുന്നു.
സംസ്ഥാനത്തെ റോഡ് അപകടങ്ങളില് 70 ശതമാനവും ലൈസന്സ് ലഭിച്ചതിന്റെ ആദ്യമൂന്ന് വര്ഷങ്ങളിലാണ് സംഭവിക്കുന്നതെന്നു പഠനത്തില് കണ്ടെത്തിയതിന്റെ അടിസ്ഥാനത്തിലാണ് മോട്ടോര് വാഹനവകുപ്പിന്റെ പുതിയ നടപടി. റോഡ് അപകടങ്ങള് താരതമ്യേന കുറവായ ബ്രിട്ടനിലെ രീതി സംസ്ഥാനത്ത് നടപ്പാക്കാനാണ് ഉദ്ദേശിക്കുന്നത്. ഈ കാലയളവില് ഡ്രൈവിങ് സംബന്ധമായ കുറ്റകൃത്യങ്ങളില് പിടിക്കപ്പെട്ടാല് ഡ്രൈവര്മാര്ക്ക് നെഗറ്റീവ് പോയിന്റുകള് ലഭിക്കും.പുതിയ ലൈസന്സ് ഉടമയ്ക്ക് രണ്ട് നെഗറ്റീവ് പോയിന്റുകള് നല്കും.
ആറ് തവണ നെഗറ്റീവ് പോയിന്റ് ലഭിച്ചാല് അവരുടെ ലൈസന്സ് റദ്ദാക്കിക്കളയും. തുടര്ന്ന് ലേണേഴ്സ് ലൈസന്സില് തുടങ്ങി മുഴുവന് പ്രക്രിയയും അവര് വീണ്ടും നടത്തേണ്ടിവരും.
പുതിയ ലൈസന്സ് ഉടമകളെ പോയിന്റ് അടിസ്ഥാനമാക്കിയുള്ള സംവിധാനത്തിലൂടെ വിലയിരുത്തും. സിഗ്നല് മറികടക്കുകയോ സീറ്റ് ബെല്റ്റ് ധരിക്കാതിരിക്കുകയോ പോലുള്ള ഗതാഗത കുറ്റകൃത്യത്തിന് പിടിക്കപ്പെട്ടാല്,
