‘തത്കാൽ’ ടിക്കറ്റ് ബുക്കിങ്‌ സമയം മാറുമെന്നത് വ്യാജ വാർത്ത
കണ്ണൂർ: ‘തത്കാൽ’ ടിക്കറ്റ് ബുക്കിങ്‌ സമയം മാറുമെന്ന തരത്തിൽ പ്രചരിക്കുന്ന വാർത്ത വ്യാജമെന്ന് ഇന്ത്യൻ റെയിൽവേ വ്യക്തമാക്കി. ബുക്കിങ്‌ സമയം മാറിയിട്ടില്ലെന്ന് റെയിൽവേ അറിയിച്ചു. സമയം മാറുമെന്ന് കാണിച്ച് സമൂഹമാധ്യമങ്ങളിൽ വാർത്ത പ്രചരിച്ചിരുന്നു. നിലവിൽ എസി ക്ലാസ് യാത്രയ്ക്കുള്ള തത്കാൽ ബുക്കിങ്‌ ആരംഭിക്കുന്നത്‌ രാവിലെ 10നും സ്ലീപ്പർ, സെക്കൻഡ് എന്നിവയ്ക്കുള്ള ബുക്കിങ്‌ 11 മണിക്കുമായിരുന്നു. എന്നാൽ 15 മുതൽ ഇതിൽ മാറ്റം വരുമെന്നും 11 മണിക്കും 12 മണിക്കുമാകും ബുക്കിങ്‌ എന്നുമായിരുന്നു പ്രചാരണം.
അതേസമയം ഇത്തരത്തിലൊരു സമയമാറ്റം വരുത്തിയിട്ടില്ലെന്ന് ഇന്ത്യൻ റെയിൽവേ കാറ്ററിങ്‌ ആൻഡ്‌ ടൂറിസം കോർപ്പറേഷൻ (ഐആർസിടിസി) അറിയിച്ചു. നിലവിലുള്ള ഏജന്റ്മാരുടെ ബുക്കിംഗ് സമയം മാറ്റമില്ലാതെ തുടരുകയാണ്. എവിടെ നിന്നാണ് യാത്ര തുടങ്ങുന്നത് ആ സ്റ്റേഷനിൽ നിന്നുള്ള യാത്ര തീയതി അല്ലാതെ ഒരു ദിവസം മുൻകൂട്ടി താൽക്കാലിക ഇ-ടിക്കറ്റ് ബുക്ക് ചെയ്യാൻ ഇപ്പോഴും സാധിക്കുന്നതാണ്. എസി ക്ലാസ് (2A/3A/CC/EC/3E) രാവിലെ 10 മണി മുതലും നോൺ-എസി ക്ലാസ് (SL/FC/2S) 11 മുതലും ബുക്ക് ചെയ്യാം. ഫസ്റ്റ് എസി ഒഴികെയുള്ള എല്ലാ ക്ലാസുകളിലും തത്കാൽ ബുക്കിങ്‌ ചെയ്യാം. നിലവിലെ സമയക്രമം ഇങ്ങനെയാണ്
