വയനാട്: മുണ്ടക്കൈ-ചൂരല്‍മല ദുരന്തബാധിതർ‌ക്ക് പഴകിയ അരി വിതരണം ചെയ്ത സംഭവത്തില്‍ കർശന നടപടി എടുക്കുമെന്ന് കൃഷി മന്ത്രി പി.പ്രസാദ്.സർക്കാർ അന്വേഷണം ആരംഭിച്ചുവെന്നും കുറ്റക്കാർ ശിക്ഷിക്കപ്പെടണമെന്നും മന്ത്രി പി പ്രസാദ് പറഞ്ഞു. ദുരിത ബാധിതർക്ക് പഴകിയ ഭക്ഷ്യകിറ്റ് വിതരണം ചെയ്ത സംഭവത്തില്‍ സംസ്ഥാന ഭക്ഷ്യ കമ്മീഷൻ എഡിഎമ്മിനോട് വിശദീകരണം തേടിയിരുന്നു.
ആരുടെ ഭാഗത്തുനിന്നാണ് വീഴ്ച ഉണ്ടായതെന്ന് ഉടൻ കണ്ടെത്തും. വയനാട്ടിലെ ജനങ്ങളുടെ ആത്മാഭിമാനത്തിനും ആരോഗ്യത്തിനും ആണ് പ്രശ്നം ഉണ്ടാക്കുന്നതെന്ന് മന്ത്രി പറഞ്ഞു. ഓണത്തിന് മുമ്ബ് കൈമാറിയ ഭക്ഷ്യ കിറ്റുകള്‍ വിതരണം ചെയ്യാതെ ഭക്ഷ്യയോഗ്യമല്ലാതായി മാറാനുള്ള കാരണം അന്വേഷിച്ച്‌ റിപ്പോർട്ട് നല്‍കാൻ ഭക്ഷ്യ കമ്മീഷൻ നിർദ്ദേശം നല്‍കി.
