പാലക്കാട്:വീട് ആക്രമിച്ചത് വിവാഹാലോചന നിരസിച്ചതിന് മൂന്ന് യുവാക്കൾ അറസ്റ്റിൽ.തൃീരി ആറ്റശ്ശേരി പടിഞ്ഞാറേക്കര വീട്ടിൽ മുഹമ്മദ് ഫാസിൽ (20), വീരമംഗലം ചക്കാലക്കുന്നത്ത് മുഹമ്മദ് സാദിഖ് (20), തൃക്കീരി കോടിയിൽ മുഹമ്മദ് ഫവാസ് (21) എന്നിവരെയാണ് ഒറ്റപ്പാലം പോലീസ് അറസ്റ്റ് ചെയ്യത്.
അനങ്ങനടി പാവുക്കോണം സ്വദേശിയായ പെൺകുട്ടിയുടെ ബന്ധു നൽകിയ പരാതിയുടെ അടിസ്ഥാനത്തിലായിരുന്നു അറസ്റ്റ്. ബുധനാഴ്ച രാത്രി എട്ടു മണിയോടെയായിരുന്നു കേസിനാസ്പദമായ സംഭവം, ഫാസിലിനു വേണ്ടി പെൺകുട്ടിയെ വിവാഹം ആലോചിച്ചിരുന്നു. പെൺകുട്ടിയുടെ വീട്ടുകാർക്ക് താൽപര്യമുണ്ടായിരുന്നില്ല.
അതിന്റെ വൈരാഗ്യത്തിലാണ് ആയുധങ്ങളുമായെത്തിയ മൂന്നംഗസംഘം വീട് ആക്രമിച്ചതെന്ന് പോലീസ് പറഞ്ഞു. വീടിന്റെ മുറ്റത്ത് നിർത്തിയിട്ടിരുന്ന കാറിന്റെ ചില്ല് അടിച്ചു തകർത്ത നിലയിലാണ്.വീടിന്റെ ജനൽ ചില്ലുകളും തർത്തു. സ്ത്രീകളും കുട്ടികളും അടക്കമുള്ള കുടുംബാംഗങ്ങളെ അക്രമികൾ ഭീഷണിപ്പെടുത്തിയതായി പോലീസിന് ലഭിച്ച പരാതിയിൽ പറയുന്നു.
