ഈ വര്ഷത്തെ സപ്ലൈകോ ഓണം ഫെയറുകളുടെ സംസ്ഥാനതല ഉദ്ഘാടനം ഇന്ന്. തിരുവനന്തപുരത്ത് കിഴക്കേകോട്ട ഇ കെ നായനാര് പാര്ക്കില് ഇന്ന് വൈകിട്ട് അഞ്ചുമണിക്ക് മുഖ്യമന്ത്രിപിണറായി വിജയൻ ഉദ്ഘാടനം ചെയ്യുക. ഭക്ഷ്യ-പൊതുവിതരണ വകുപ്പുമന്ത്രി ജി ആര് അനിലിന്റെ അധ്യക്ഷതയിലാണ് ഈ ചടങ്ങു നടക്കുന്നത്. ചടങ്ങില് ആദ്യവില്പന പൊതു വിദ്യാഭ്യാസ – തൊഴില് വകുപ്പുമന്ത്രി വി ശിവന്കുട്ടി നടത്തും.
13 ഇനം സബ്സിഡി സാധനങ്ങള്ക്കു പുറമെ ശബരി ഉല്പന്നങ്ങള്, മറ്റ് എഫ് എം സി ജി ഉല്പന്നങ്ങള്, മില്മ ഉല്പന്നങ്ങള്, കൈത്തറി ഉല്പന്നങ്ങള്, പഴം, ജൈവപച്ചക്കറികള് എന്നിവ മേളയില് 10 മുതല് 50% വരെ വിലക്കുറവില് വില്പന നടത്തും.
സെപ്തംബര് അഞ്ചിനു തുടങ്ങി 14 വരെയാണ് ഓണം ഫെയറുകള് സംഘടിപ്പിച്ചിട്ടുള്ളത്. ജില്ലാതല ഫെയറുകള് സെപ്തംബര് ആറ് മുതല് 14 വരെ ജില്ലാ ആസ്ഥാനങ്ങളില് പ്രത്യേക സൗകര്യങ്ങളോടെ സംഘടിപ്പിച്ചിട്ടുണ്ട്.
ഇതിനു പുറമെ നിരവധി പ്രമുഖ ബ്രാന്റുകളുടെ 200 ല് പരം നിത്യോപയോഗ സാധനങ്ങള്ക്ക് വന് വിലക്കുറവ് നല്കുമെന്ന് ഭക്ഷ്യ വകുപ്പ് മന്ത്രിയുടെ ഓഫീസ് അറിയിച്ചു. 255 രൂപയുടെ 6 ശബരി ഉല്പന്നങ്ങള് 189 രൂപയ്ക്ക് നല്കുന്ന ശബരി സിഗ്നേച്ചര് കിറ്റ് ഈ ഓണത്തിനോടനുബന്ധിച്ച് സപ്ലൈകോ അവതരിപ്പിക്കുന്നുണ്ട്.
