കോഴിക്കോട്:തോരായിക്കടവ് പാലം തകർന്നുവീണു നിർമാണത്തിലെ അപാകതയെന്ന് ആരോപണം.കൊയിലാണ്ടി-ബാലുശേരി നിയോജകമണ്ഡങ്ങളെ ബന്ധിപ്പിക്കുന്ന തോരായികടവിലാണ് പാലം നിർമിക്കുന്നത്.പാലത്തിന്റെ ബീം ചെരിഞ്ഞുവീഴുകയായിരുന്നു. പുഴയുടെ മദ്ധ്യത്തിലായാണ് അപകടമുണ്ടായത്.
നിർമാണത്തിലെ അപാകതയാണ് അപകടത്തിന് കാരണമായതെന്ന പരാതി ഉയരുകയാണ്. അപകടത്തിൽ തൊഴിലാളികളിൽ ഒരാൾക്ക് പരിക്കേറ്റു. 24 കോടിയോളമാണ് പാലത്തിന്റെ നിർമാണച്ചെലവ്. പി.എംആർ ഗ്രൂപ്പാണ് പാലം നിർമിക്കുന്നത്. പിഡബ്ള്യുഡി കേരള റോഡ് ഫണ്ടിന്റെ മേൽനോട്ടത്തിലാണ് നിർമാണം.
