തിരുവനന്തപുരം: ഈ വര്ഷത്തെ എസ്എസ്എല്സി പരീക്ഷാ ഫലം മെയ് 9ന് പ്രഖ്യാപിക്കുo, കൃത്യസമയത്ത് തന്നെ പ്ലസ് വണ് ക്ലാസുകള് ആരംഭിക്കുമെന്നും വിജയിക്കുന്ന എല്ലാവര്ക്കും അഡ്മിഷന് നല്കാനാവുമെന്നും മന്ത്രി വി ശിവന് കുട്ടി.കേരളത്തില് 2964 കേന്ദ്രങ്ങളിലും ലക്ഷദ്വീപിലെ ഒന്പതും ഗള്ഫ് മേഖലയിലെ ഏഴും കേന്ദ്രങ്ങളിലുമായി ആകെ 4,27,021 വിദ്യാര്ഥികളാണ് റഗുലര് വിഭാഗത്തില് പരീക്ഷ എഴുതിയത്.
കൂടുതല് വിദ്യാര്ഥികള് എസ്എസ്എല്സി പരീക്ഷ എഴുതിയത് മലപ്പുറം വിദ്യാഭ്യാസ ജില്ലയില്. 28,358 കുട്ടികളാണ് പരീക്ഷയെഴുതുന്നത്. ആലപ്പുഴ ജില്ലയിലെ കുട്ടനാട് വിദ്യാഭ്യാസ ജില്ലയിലാണ് കുറവ് വിദ്യാര്ഥികള് പരീക്ഷയെഴുതിയത്, 1893പേര്.തിരൂരങ്ങാടി വിദ്യാഭ്യാസ ജില്ലയിലെ എടരിക്കോട് പികെഎംഎം എച്ച്എസ്എസ് ആണ് കൂടുതല് കുട്ടികള് പരീക്ഷ അറ്റന്റ് ചെയ്തത് .ഗള്ഫ് മേഖലയില് 682പേരും ലക്ഷദ്വീപ് മേഖലയില് 447 പേരും പരീക്ഷ എഴുതി.
ഇവര് കൂടാതെ ഓള്ഡ് സ്കീമില് എട്ട് പേരും പരീക്ഷ എഴുതി. 2,09,325 പേര് പെണ്കുട്ടികളും 2,17,696 പേര് ആണ്കുട്ടികളുമാണ്. സര്ക്കാര് സ്കൂളുകളില് 1,42,298പേരും എയിഡഡ് സ്കൂളുകളില് 2,55,092പേരും അണ് എയിഡഡ് സ്കൂളുകളില് 29,631പേരും പരീക്ഷയെഴുതിയതായും മന്ത്രി അറിയിച്ചു
