മഴയുടെ രണ്ടാം വരവ്: ന്യൂനമർദ്ദം രൂപപ്പെട്ടു; തുലാവർഷം ശക്തിപ്പെടാൻ സാധ്യത.

കാലവർഷം സംസ്ഥാനത്ത് നിന്ന് ഔദ്യോഗികമായി പിൻവാങ്ങിയതിന് പിന്നാലെ ബംഗാൾ ഉൾക്കടലിൽ ന്യൂനമർദ്ദം രൂപപ്പെട്ടു. കേരളത്തിൽ മഴ ഭീഷണി തൽക്കാലത്തേക്ക് ഒഴിഞ്ഞിട്ടുണ്ടെങ്കിലും, ഈ സാഹചര്യങ്ങൾ തുലാവർഷം (വടക്ക്-കിഴക്കൻ മൺസൂൺ) ശക്തിപ്പെടുത്താൻ സാധ്യതയുണ്ടെന്നാണ് കാലാവസ്ഥാ നിരീക്ഷണ കേന്ദ്രങ്ങളുടെ വിലയിരുത്തൽ.തുലാവർഷം ഇത്തവണ കൂടുതൽ മഴയ്ക്ക് സാധ്യത കേന്ദ്ര കാലാവസ്ഥാ വകുപ്പിന്റെ (IMD) പ്രവചനം

ഇത്തവണ തുലാവർഷം സാധാരണയിലും അധികമായി ലഭിക്കാൻ സാധ്യതയുണ്ട്.കേരളം ഉൾപ്പെടെയുള്ള തെക്കേ ഇന്ത്യൻ സംസ്ഥാനങ്ങളിൽ 12% വരെ അധിക മഴ ലഭിച്ചേക്കാം.ഔദ്യോഗികമായി ബുധനാഴ്ചയോടെ തുലാവർഷം ആരംഭിക്കുമെന്നാണ് പ്രതീക്ഷിക്കുന്നത്.നിലവിലെ സാഹചര്യം കേരളത്തിന് തൽക്കാലം ആശ്വാസംനിലവിൽ കേരളത്തിന് നേരിട്ട് വലിയ മഴ ഭീഷണിയോ, പ്രത്യേക മഴ ജാഗ്രതാ നിർദ്ദേശങ്ങളോ പുറപ്പെടുവിച്ചിട്ടില്ല.

അടുത്ത ദിവസങ്ങളിൽ വലിയ മഴയ്ക്ക് സാധ്യതയില്ല.രണ്ട് തീവ്ര ന്യൂനമർദ്ദ സാധ്യതകൾ അറബിക്കടലിലും ബംഗാൾ ഉൾക്കടലിലുംകേരളത്തിന്റെ മഴയ്ക്ക് കാരണമായേക്കാവുന്ന രണ്ട് തീവ്ര ന്യൂനമർദ്ദ സാധ്യതകൾ നിലവിലുണ്ട്1. അറബിക്കടലിലെ ന്യൂനമർദ്ദം കച്ച് കടലിടുക്കിന് മുകളിലുണ്ടായിരുന്ന ശക്തമായ ന്യൂനമർദ്ദം ഗുജറാത്ത് തീരം വഴി സഞ്ചരിച്ച് നാളെ (വ്യാഴാഴ്ച) യോടെ തീവ്ര ന്യൂനമർദ്ദമായി അറബിക്കടലിൽ പ്രവേശിക്കാൻ സാധ്യതയുണ്ട്.2. ബംഗാൾ ഉൾക്കടലിലെ ന്യൂനമർദ്ദം തെക്കൻ ചൈനാ കടലിൽ രൂപപ്പെട്ട ചുഴലിക്കാറ്റ്, ചക്രവാത ചുഴിയായി ദുർബലമാവുകയും തുടർന്ന് ആൻഡമാൻ കടലിലെത്തുകയും ചെയ്യും.ഇത് ബുധനാഴ്ചയോടെ ബംഗാൾ ഉൾക്കടലിൽ ന്യൂനമർദ്ദമായി മാറും.

തുടർന്ന് ശക്തിപ്പെട്ട് തീവ്ര ന്യൂനമർദ്ദമായി ഒക്ടോബർ 3-ന് ഒഡിഷ-ആന്ധ്രാ തീരത്ത് കരയിൽ പ്രവേശിക്കാൻ സാധ്യതയുണ്ട്.ഈ രണ്ട് ന്യൂനമർദ്ദങ്ങൾക്കും (അറബിക്കടൽ & ബംഗാൾ ഉൾക്കടൽ) കേരളത്തിൽ നേരിട്ടുള്ള സ്വാധീനം കുറവായിരിക്കും. എന്നാൽ, ഇവയുടെ സ്വാധീനം കാരണം വടക്കൻ കേരളത്തിൽ ചിലയിടങ്ങളിൽ ചെറിയ രീതിയിൽ മഴ ലഭിച്ചേക്കാം.