തൃശൂര്‍ : ചാലക്കുടി കാരൂരില്‍ ഡ്രൈനേജ് ടാങ്ക് വൃത്തിയാക്കാന്‍ ഇറങ്ങിയ കാരുര്‍ സ്വദേശികളായ ജിതേഷ് (42) സുനില്‍ കുമാര്‍ (52) എന്നിവര്‍ ശ്വാസം മുട്ടി മരിച്ചു. ഇന്ന് ഉച്ചക്ക് 2.15നാണ് റോയല്‍ ബേക്കേഴ്‌സിന്റെ നിര്‍മ്മാണ യൂണിറ്റിനോട് ചേര്‍ന്നുള്ള മാലിന്യക്കുഴിയിൽ വീണ് അപകടം ഉണ്ടായത്. രണ്ടുപേര്‍ ടാങ്കിനകത്ത് കുടുങ്ങി പോയി എന്ന വിവരം ലഭിച്ചതിനെ തുടര്‍ന്ന് ഫയര്‍ഫോഴ്സ് ഉദ്യോഗസ്ഥര്‍ സ്ഥലത്തെത്തുകയായിരുന്നു.
ഡ്രൈനജ് ടാങ്കിനുള്ളില്‍ ഓക്സിജന്റെ സാന്നിധ്യം ഒട്ടും തന്നെ ഇല്ലായിരുന്നെന്നും ശ്രമകരമായ ദൗത്യത്തിലൂടെയാണ് ഇരുവരെയും പുറത്തെത്തിച്ചതെന്നും ഫയര്‍ഫോഴ്സ് ഉദ്യോഗസ്ഥര്‍ അറിയിച്ചത്. പുറത്തെടുത്ത ഇരുവരെയും ഉടനടി സമീപത്തെ ആശുപത്രിയില്‍ എത്തിച്ചിരുന്നു എന്നാൽ ജീവന്‍ രക്ഷിക്കാൻ സാധിച്ചില്ല.
