തിരുവനന്തപുരം: ജില്ലകള് കേന്ദ്രീകരിച്ച് 28 സ്ക്വാഡുകളായി തിരിഞ്ഞ് 186 സ്ഥാപനങ്ങളിലാണ് പരിശോധനകള് നടത്തുന്നത്.കണ്ണൂര്, കോഴിക്കോട്, മലപ്പുറം,വയനാട്, കാസര്കോട്,ജില്ലകളിലെ കാറ്ററിംഗ് യൂണിറ്റുകളിലാണ് കഴിഞ്ഞ മൂന്ന് ദിവസങ്ങളായി വ്യാപക പരിശോധനകള് നടത്തിയതെന്ന് ആരോഗ്യ വകുപ്പ് മന്ത്രി വീണാ ജോര്ജ് പറഞ്ഞു. പാചകത്തിനായി ഉപയോഗിക്കുന്ന വസ്തുക്കള്, ഭക്ഷണം ട്രാന്സ്പോര്ട്ട് ചെയ്യുന്ന രീതികള് എന്നിവ പരിശോധനയ്ക്ക് വിധേയമാക്കും.
നിയമപരമായ ലൈസന്സില്ലാതെയും ഭക്ഷ്യസുരക്ഷാ മാനദണ്ഡങ്ങള്ക്ക് വിരുദ്ധമായും പ്രവര്ത്തിക്കുന്ന 10 സ്ഥാപനങ്ങളുടെ പ്രവര്ത്തനം നിര്ത്തിവെയ്പ്പിച്ചു.കാറ്ററിംഗ് യൂണിറ്റുകളിലെ ലൈസന്സ്, ജീവനക്കാരുടെ മെഡിക്കല് ഫിറ്റ്നസ് സര്ട്ടിഫിക്കറ്റുകള്, വെള്ളം പരിശോധിച്ച റിപ്പോര്ട്ട്, പെസ്റ്റ് കണ്ട്രോള് മാനദണ്ഡങ്ങള്, പൊതുവായ ശുചിത്വം, മറ്റ് അപാകതകള് കണ്ടെത്തിയ സ്ഥാപനങ്ങളില് 45 സ്ഥാപനങ്ങള്ക്ക് പിഴ ഒടുക്കുന്നതിനുള്ള നോട്ടീസ് നല്കുകയും 40 സ്ഥാപനങ്ങള്ക്ക് റെക്ടിഫിക്കേഷന് നോട്ടീസുകള് നല്കുകയും ആറ് സ്ഥാപനങ്ങള്ക്ക് ഇപ്രൂവ്മെന്റ് നോട്ടീസുകള് നല്കുകയും ചെയ്തു
