കോട്ടയം;മുണ്ടക്കയത്ത് കടന്നല്‍ ആക്രമണത്തില്‍ വയോധികരായ അമ്മയും മകളും മരിച്ചു.ചൊവ്വാഴ്ചയാണ് സംഭവം. പുഞ്ചവയല്‍ പാക്കാനം സ്വദേശിയായ കുഞ്ഞിപ്പെണ്ണ് (110), മകള്‍ തങ്കമ്മ (66) എന്നിവരാണ് മരിച്ചത്.കൂട്ടമായി എത്തിയ കടന്നലുകളുടെ ആക്രമണത്തില്‍ രണ്ട് പേരുടേയും ദേഹമാസകലം മുറിവുകളേറ്റിരുന്നു. ഇരുവരും വീടിന്‍റെ മുറ്റത്ത് നില്‍ക്കുകയായിരുന്നു കടന്നല്‍ക്കൂട്ടം ആക്രമിക്കുകയായിരുന്നു. ഇന്ന് പുലർച്ചെയാണ് കുഞ്ഞിപ്പെണ്ണ് മരിച്ചത്. തീവ്രപരിചരണ വിഭാഗത്തില്‍ ചികിത്സയിലായിരുന്ന തങ്കമ്മയുടെ മരണം ഉച്ചയോടെയാണ് സ്ഥിരീകരിച്ചത്. നാട്ടുകാരായ മറ്റ് രണ്ട് പേ‍‍ർക്കും കടന്നലിന്റെ കുത്തേറ്റിരുന്നു. ജോയി (75), അയല്‍വാസിയായ ശിവദര്‍ശന്‍ (24) എന്നിവര്‍ക്കാണ് പരിക്കേറ്റത്. ഇരുവരും ചികിത്സയില്‍ തുടരുകയാണ്.
