യൂട്യൂബ് ചാനലിലൂടെ നടി ശ്വേത മേനോനെ അപകീര്തിതിപ്പെടുത്തി ; ക്രൈം നന്ദകുമാര്‍ അറസ്റ്റില്‍. ഒരാഴ്ച മുമ്പാണ് നടി ശ്വേതാമേനോനെ അപകീര്‍ത്തിപ്പെടുത്തുന്ന വിധത്തില്‍ നന്ദകുമാർ സ്വന്തം യൂട്യൂബ് ചാനലിലൂടെ വീഡിയോ പ്രചരിപ്പിച്ചത്.സ്ത്രീത്വത്തെ അപമാനിക്കാന്‍ ശ്രമിച്ചെന്ന് വീഡിയോ ശ്രദ്ധയില്‍പ്പെട്ടതോടെ നടി നേരിട്ട് പരാതി നൽകുകയായിരുന്നു .എറണാകുളം നോര്‍ത്ത് പൊലീസ് ക്രൈം നന്ദകുമാറിനെ അറസ്റ്റ് ചെയ്യുകയായിരുന്നു.രാവിലെ ചോദ്യം ചെയ്യാന്‍ വിളിച്ചുവരുത്തിയ ശേഷം അറസ്റ്റ് രേഖപ്പെടുത്തുകയായിരുന്നു. ഇയാള്‍ക്കെതിരെ ഐടി ആക്ട് പ്രകാരം പൊലീസ് കേസെടുത്തിരുന്നു. സമൂഹമാദ്ധ്യമങ്ങളില്‍ നിന്നും വീഡിയോ നീക്കം ചെയ്യാനും പൊലീസ് നിര്‍ദേശിച്ചു.
