തിരുവനന്തപുരം: പരശുവയ്ക്കലിൽ ടിപ്പർ ലോറിയിൽ നിന്നും ബാറ്ററി മോഷണം പോയതായി പരാതി. വാഹനത്തിൻ്റെ ടെസ്റ്റ് പണികൾ പൂർത്തിയാക്കി റോഡ് വശത്ത് ഒതുക്കി ഇട്ടിരിക്കയായിരുന്നു വണ്ടി. അടുത്ത ദിവസം വാഹനം സ്റ്റാർട്ട് ചെയ്യാൻ ശ്രമിച്ചപ്പോഴാണ് ബാറ്ററി മോഷണം പോയതായി ശ്രദ്ധയിൽപ്പെട്ടത്. പരശുവയ്ക്കൽ മേലെക്കോണം സ്വദേശിയായ ടിപ്പർ ഡ്രൈവർ ലെനിൽ ആണ് വാഹനത്തിന്റെ ഉടമ. ഏകദേശം ഇരുപതിനായിരം രൂപയ്ക്ക് മുകളിലാണ് ഈ ബാറ്ററിയുടെ തുക വരുന്നത് . ബാറ്ററി മോഷണം പോയ വിവരം ലെനിൻ പാറശാല പോലീസിൻ പരാതി നൽകിയിട്ടുണ്ട്.
