ശാസ്താംകോട്ട : മൈനാഗപ്പള്ളിയിൽ സ്കൂട്ടർ യാത്രക്കാരിയെ കാറിടിച്ച് കൊലപ്പെടുത്തിയ കേസിലെ പ്രതികളെ തെളിവെടുപ്പ് പൂർത്തിയാക്കി ജുഡീഷ്യൽ കസ്റ്റഡിയിൽ വിട്ടു. കരുനാഗപ്പള്ളി വെളുത്തമണൽ സ്വദേശി അജ്മലിനെ ജില്ലാ ജയിലിലേക്ക് റിമാൻഡ് ചെയ്തു. അതേസമയം രണ്ടാംപ്രതി നെയ്യാറ്റിൻകര സ്വദേശി ഡോ.ശ്രീക്കുട്ടിയെ അട്ടക്കുളങ്ങര വനിതാ ജയിലിലേക്കും മാറ്റി. ശാസ്താംകോട്ട കോടതിയുടെ തീരുമാനത്തെ തുടർന്നാണ് ഇരുവരെയും തെളിവെടുപ്പിനായി രണ്ട് ദിവസത്തെ പോലീസ് കസ്റ്റഡിയിൽ വിട്ടത്.
പ്രതികളായ അജ്മൽ, സഞ്ജീവ് കുമാർ എന്നിവരെ ഞായറാഴ്ച ഉച്ചയ്ക്ക് ശാസ്താംകോട്ട ഫസ്റ്റ് ക്ലാസ് ജുഡീഷ്യൽ (കോടതി രണ്ട്) മജിസ്ട്രേറ്റ് ആർ നവീന്റെ വസതിയിൽ ഹാജരാക്കി. ഇരുവരെയും ജയിലിലേക്ക് മാറ്റി. മൈനാഗപ്പള്ളിയിൽ സ്കൂട്ടർ യാത്രക്കാരിയായ കുഞ്ഞുമോളുടെ മരണവുമായി ബന്ധപ്പെട്ട കേസിൽ തെളിവെടുപ്പ് പൂർത്തിയായ സാഹചര്യത്തിലാണ് അജ്മലിന്റെ ജാമ്യാപേക്ഷ ഇന്ന് പരിഗണിക്കുന്നത്. ജനരോഷം ശക്തമായതോടെ ആനൂർക്കാവിലെ വാഹനത്തിൽ നിന്ന് പ്രതികളെ മാറ്റാൻ അധികൃതർക്ക് കഴിഞ്ഞില്ല. പ്രതികളെ വാഹനത്തില്‍ നിന്നിറക്കാൻ കഴിയാതെയാണ് തെളിവെടുപ്പ് പൂർത്തിയാക്കിയത്.
