മലയാള സിനിമയുടെ പ്രിയതാരം മോഹൻലാലിൻ്റെ മകൾ വിസ്മയ മോഹൻലാൽ അഭിനയരംഗത്തേക്ക് കടക്കുന്നു. ജൂഡ് ആന്തണി ജോസഫ് സംവിധാനം ചെയ്യുന്ന പുതിയ ചിത്രമായ ‘തുടക്കം’ (Thudakkam) ആണ് വിസ്മയയുടെ അരങ്ങേറ്റ ചിത്രം. കൊച്ചിയിൽ നടന്ന സിനിമയുടെ പൂജാചടങ്ങിൽ മോഹൻലാൽ, പ്രണവ് മോഹൻലാൽ ഉൾപ്പെടെ മലയാള സിനിമയിലെ നിരവധി പ്രമുഖ താരങ്ങൾ പങ്കെടുത്തു.
ആശിർവാദ് സിനിമാസിൻ്റെ 37-ാമത്തെ ചിത്രമാണിത്.ചിത്രം ഒരു ആക്ഷൻ മൂഡിലാണ് ഒരുങ്ങുന്നതെന്നാണ് സൂചന. മാർഷ്യൽ ആർട്സ് പഠിച്ചിട്ടുള്ള വിസ്മയയുടെ സാന്നിധ്യം ഈ റിപ്പോർട്ടുകൾക്ക് ശക്തി പകരുന്നു. ടൈറ്റിൽ ഡിസൈനും ആക്ഷൻ സ്വഭാവം സൂചിപ്പിക്കുന്നു.വിസ്മയയെ കൂടാതെ, നടൻ പ്രണവ് മോഹൻലാലും നിർമ്മാതാവ് ആൻ്റണി പെരുമ്പാവൂരിൻ്റെ മകനും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
സിനിമയുടെ മറ്റ് അണിയറപ്രവർത്തകരെക്കുറിച്ചുള്ള വിവരങ്ങൾ ഇതുവരെ പുറത്തുവിട്ടിട്ടില്ല.സിനിമയിലെ ഈ യുവതാരനിരയും ആക്ഷൻ സ്വഭാവവും ‘തുടക്കം’ മലയാള സിനിമയിൽ ഒരു ശ്രദ്ധേയമായ അരങ്ങേറ്റമാകുമെന്ന പ്രതീക്ഷ നൽകുന്നു.
