കൊല്ലം:കൊട്ടാരക്കരയിൽ ബസ് കാത്തുനിൽക്കുന്നതിനിടെ പിക്കപ്പ് വാന് ഇടിച്ചു 2 സ്ത്രീകൾ മരിച്ചു.പനവേലി സ്വദേശികളായ സോണിയ, ശ്രീക്കുട്ടി എന്നിവരാണ് മരിച്ചത്. വിജയന് എന്നൊരാള്ക്ക് പരിക്കേറ്റിട്ടുണ്ട്. ഇയാള് ചികിത്സയിലാണ്.
പനവേലി ഭാഗത്ത് ജോലിക്ക് പോകാനായി ബസ് കാത്തു നില്ക്കുകയായിരുന്ന യുവതികളുടെ ഇടയിലേക്ക് നിയന്ത്രണം വിട്ട പിക്കപ്പ് വാന് ഇടിച്ചുകയറുകയായിരുന്നു. സോണിയ നഴ്സാണ്. അപകടമുണ്ടായ ഉടന് തന്നെ സോണിയ മരിച്ചിരുന്നു.
ആശുപത്രിയില് വെച്ചാണ് ശ്രീക്കുട്ടി മരിക്കുന്നത്. യുവതികളെ ഇടിച്ച ഡെലിവറി വാന് പിന്നീട് സമീപത്തുണ്ടായിരുന്ന ഓട്ടോറിക്ഷയും ഇടിച്ചിട്ടു. ഓട്ടോയ്ക്ക് സമീപമായിരുന്നു പരിക്കേറ്റ വിജയന് നിന്നിരുന്നത്. ഡെലിവറി വാനിന്റെ ഡ്രൈവര് ഉറങ്ങിപ്പോയതാകാം അപകട കാരണമെന്നാണ് നിഗമനം.
