പാലക്കാട് :ചിറ്റൂർ പൊൽപുള്ളിയിൽ വീട്ടുമുറ്റത്ത് നിർത്തിയിട്ടിരുന്ന കാർ പൊട്ടിത്തെറിച്ച് അമ്മയ്ക്കും മൂന്ന് കുട്ടികൾക്കും പരുക്ക്. പാലക്കാട് അത്തിക്കോട് സ്വദേശി എൽ സീ മാര്ട്ടീന് മക്കളായ അലീന, ആല്ഫിന്, എന്മി എന്നിവര്ക്കാണ് പരിക്കേറ്റത്. പരിക്കേറ്റവരെ ആശുപത്രിയിൽ പ്രവേശിപ്പിച്ചു. വാഹനത്തിൽ പെട്ടെന്ന് തീ പടരുകയായിരുന്നു. കാറിലെ ഗ്യാസ് പൊട്ടിത്തെറിച്ചതെന്നാണ് വിവരം.
രണ്ട് കുട്ടികൾ ആദ്യം ഇറങ്ങിയെങ്കിലും അമ്മയും ഒരു കുട്ടിയും കാറിൽ നിന്ന് ഇറങ്ങാൻ വൈകി. ഇവർക്ക് പൊള്ളലേറ്റിട്ടുണ്ട്. മറ്റ് രണ്ട് പേർക്ക് കൈകൾക്കാണ് പൊള്ളലേറ്റിട്ടുള്ളത്. കുട്ടികളുടെ മാതാവ് പാലക്കാട് പാലന ആശുപത്രിയിൽ നേഴ്സ് ആണ്. പൊട്ടിത്തെറി കേട്ട് ഓടിയെത്തിയ നാട്ടുകാരാണ് ഇവരെ ആശുപത്രിയിൽ എത്തിച്ചത്. മാരുതി 800 കാർ ആണ് പൊട്ടിത്തെറിച്ചത്
